/ قصص النجاح · تجزئة إلكترونيات بفروع متعددة
RS Stores: من 1.8 لـ 12 مليون جنيه شهريًا في 6 شهور
باختصار
RS Stores سلسلة لبيع الموبايلات والإكسسوارات والشاشات والأجهزة المنزلية الخفيفة، عندها 4 فروع في أسيوط وسوهاج وشبرا، وكان البيع كله أوفلاين من الفروع. حللنا بيانات المبيعات وقسمنا المنتجات، وربطنا التسويق بفرق البيع في الفروع بسيستم متابعة، وأعدنا تنفيذ عروض التقسيط، وفتحنا قناة بيع أونلاين من الصفحة والموقع. خلال 6 شهور المبيعات الشهرية اتنقلت من 1.5–1.8 مليون جنيه لـ 10–12 مليون جنيه، والصرف الإعلاني الشهري قلّ من 60 لـ 45 ألف جنيه.
- العميل
- RS Stores
- المجال
- تجزئة إلكترونيات بفروع متعددة
- الخدمة
- استراتيجية نمو وتنفيذ متكامل
- المدة
- 17 شهر (سبتمبر 2024 – يناير 2026)
النتايج
التحدي
براند عنده 4 فروع وبيبيع منتجات مطلوبة، لكن من غير خطة واضحة للتسويق والنمو. ميزانية الإعلان كانت محدودة (حوالي 60 ألف جنيه في الشهر)، ومفيش تنسيق بين التسويق وفريق المبيعات، وفريق البيع في الفروع مش متأهل. البراند مش معروف كفاية فكان بينافس على السعر بس، والبيع كله أوفلاين، وحتى الحملات اللي كانت بتنزل زي عروض التقسيط كان تنفيذها ضعيف.
اللي عملناه
حللنا بيانات المؤسسة وقسمنا المنتجات
نزلنا الفروع وعملنا معاينات وحددنا المشاكل على الأرض
عملنا سيستم متابعة مع فريق المبيعات في الفروع
أعدنا تنفيذ حملات وعروض التقسيط بجودة أعلى
حدثنا الموقع ودربنا فريق المودريتورز على البيع من الصفحة
قللنا الصرف الإعلاني من 60 لـ 45 ألف جنيه شهريًا
القصة بالتفصيل
مين RS Stores؟
RS Stores سلسلة محلات بتبيع موبايلات وإكسسوارات موبايل وشاشات وأجهزة منزلية خفيفة، وعندها 4 فروع: فرعين في أسيوط، وفرع في سوهاج، وفرع في شبرا. لما بدأنا الشغل معاهم في سبتمبر 2024، كان البيع كله من الفروع أوفلاين، والمبيعات الشهرية ثابتة بين 1.5 و1.8 مليون جنيه.
المشكلة ماكانتش في الإعلان لوحده
أول حاجة لاحظناها إن المشكلة مش «الإعلان مش شغال». كان فيه كذا حاجة بتشد البراند لتحت في نفس الوقت:
مفيش خطة: مفيش استراتيجية واضحة للتسويق والنمو، والحملات بتنزل حسب الظروف.
التسويق في وادي والمبيعات في وادي: مفيش تنسيق بين اللي بيتقال في الإعلان واللي بيحصل في الفرع.
فريق بيع مش متأهل: الزبون بيدخل الفرع ومش بيلاقي اللي يقفل معاه البيعة صح.
براند مش معروف كفاية: فالمنافسة كانت على السعر بس، وده أصعب مكان ممكن تنافس فيه.
تنفيذ ضعيف: حتى عروض التقسيط اللي كانت موجودة قبلنا ماكانتش بتتنفذ بالجودة اللي تخليها تبيع.
ميزانية إعلان محدودة: حوالي 60 ألف جنيه في الشهر.
اللي عملناه
- بدأنا من البيانات
قبل أي إعلان، حللنا بيانات المؤسسة وقسمنا المنتجات، عشان نعرف نركز الميزانية والعروض فين بدل ما نوزعها على كل حاجة.
- نزلنا الفروع بنفسنا
عملنا معاينات أوفلاين للفروع، وحددنا المشاكل على الأرض: في تجربة الزبون، وفي طريقة البيع، وفي الفجوة بين الإعلان والفرع.
- ربطنا التسويق بالمبيعات
عملنا سيستم متابعة مع فريق المبيعات في الفروع، فبقى فيه رابط مباشر بين الحملة النازلة واللي بيحصل في الفرع. وبقى سهل نعرف إيه اللي شغال فنزوده، وإيه اللي مش شغال فنوقفه.
- نفس العروض.. بتنفيذ مختلف
عروض التقسيط ماكانتش فكرة جديدة، كانت بتتعمل قبل كده. الفرق كان في التنفيذ: حملات مدروسة، ورسالة واضحة، ومتابعة مع الفروع عشان الزبون اللي جاي من الإعلان يلاقي نفس العرض ونفس الوعد.
- فتحنا باب للبيع أونلاين
عملنا تحديث للموقع، ودربنا فريق المودريتورز اللي بيردوا على الصفحة إنهم يبيعوا مش بس يردوا. كده البراند بقى عنده قناة بيع جديدة جنب الفروع.
- وصرفنا أقل
بدل ما نزود الميزانية، قللنا الصرف الإعلاني من حوالي 60 ألف لـ 45 ألف جنيه في الشهر أو أقل. الفلوس ماكانتش المشكلة، المشكلة كانت في الخطة والتنفيذ.
النتيجة
خلال أول 6 شهور:
المبيعات الشهرية اتنقلت من 1.5–1.8 مليون جنيه لـ 10–12 مليون جنيه.
الصرف الإعلاني الشهري قلّ حوالي 25%.
البراند بقى عنده قناة بيع أونلاين، بعد ما كان البيع كله من الفروع.
واستمر شغلنا مع RS Stores لحد يناير 2026.
الدرس
النمو هنا ماجاش من ميزانية أكبر. جه من إن التسويق والمبيعات بقوا شغالين كسيستم واحد: بيانات بتقول نركز فين، وحملة بتجيب الزبون، وفريق جاهز يقفل البيعة. وده الفرق بين تطوير الأعمال وبين إنك تكتفي بـالإعلانات الممولة لوحدها.
/ ابدأ دلوقتي
عاوز نتيجة زي دي لبراندك؟
كل قصة من دول بدأت بجلسة تشخيص مجانية 30 دقيقة: نراجع أرقامك ونحدد فلوسك بتضيع فين وإيه اللي يستاهل يتضاعف. بدون أي التزام.