/ العلامات التجارية
تصميم الهوية البصرية والعلامة التجارية: براند يتعرف من أول نظرة
خدمة الهوية البصرية والعلامة التجارية في سلاش مش لوجو وألوان وبس. بنبني البراند من جوه لبرا: الـ Positioning، شخصية البراند، نبرة الصوت، وبعدين الهوية البصرية الكاملة (اللوجو، الألوان، الخطوط، والعناصر) مع دليل استخدام، عشان البراند يبان واحد في كل مكان ويرفع قيمته في عين العميل.
ليه الهوية البصرية بتفرق في المبيعات؟
العميل بيحكم على البراند في ثواني قبل ما يقرأ أي كلمة. هوية مترتبة ومتسقة بتقول له إن ورا البراند ده شركة محترمة تستاهل ثقته وتستاهل سعرها. وهوية عشوائية بتخلّيه يقارنك على السعر بس.
الهوية القوية بترفع القيمة المعنوية والمادية للعلامة: العميل بيفتكرك أسرع، وبيثق فيك أكتر، وبيقبل يدفع أكتر.
بنبني البراند على مراحل
- الـ Positioning: إنت مين، ولمين، وليه حد يختارك إنت مش المنافس.
- شخصية البراند ونبرة الصوت: إزاي البراند بيتكلم ويتصرف في كل مكان.
- الهوية البصرية: اللوجو والألوان والخطوط والعناصر.
- التطبيقات: السوشيال، المطبوعات، الفروع، الموقع، والتغليف حسب الاحتياج.
- دليل الاستخدام: عشان أي حد يشتغل على البراند بعد كده يحافظ عليه.
الخدمة بتشمل إيه؟
- ورشة لفهم البيزنس والجمهور والمنافسين.
- استراتيجية البراند: Positioning ورسالة وشخصية ونبرة صوت.
- تصميم اللوجو ونسخه المختلفة.
- نظام الألوان والخطوط والعناصر البصرية.
- تطبيقات الهوية على السوشيال والمطبوعات والموقع.
- دليل استخدام الهوية (Brand Guidelines).
من شغلنا: Gazzer
في Gazzer بنينا البراند من الصفر: الهوية البصرية، ونبرة الصوت، وشخصية البراند، وحددنا الـ Positioning. وبعدها بدأنا الإطلاق بحملة تشويق في الشارع والسوشيال وإعلانات TVC، ووصل التطبيق لأكتر من 7000 تحميل في 5 شهور وزيادة 70% في تعاقدات الشركاء. يعني البراند اتبنى الأول، وبعدها الحملة. شوف القصة.
لمين الخدمة دي؟
- مشاريع جديدة محتاجة تبدأ صح من أول يوم.
- براندات بتعيد بناء نفسها أو بتطوّر هويتها القديمة.
- شركات بتكبر وهويتها مش متسقة بين الفروع والمنصات.
- براندات داخلة سوق جديد، زي السعودية أو الإمارات، ومحتاجة تبان أقوى.
الأسئلة الشائعة
الهوية البصرية الكاملة بتشمل إيه؟
غالبًا: اللوجو ونسخه، الألوان، الخطوط، العناصر والأنماط، تطبيقات على السوشيال والمطبوعات واليونيفورم أو الفروع حسب الاحتياج، ودليل استخدام (Brand Guidelines).
إيه الفرق بين الهوية البصرية والبراندنج؟
الهوية البصرية هي الشكل اللي الناس بتشوفه. البراندنج أوسع: بيشمل الـ Positioning والرسالة وشخصية البراند ونبرة الصوت وتجربة العميل. إحنا بنبدأ بالبراندنج عشان الشكل يعبّر عن حاجة حقيقية.
عندي لوجو قديم، لازم أغيّره؟
مش لازم. ساعات الأنسب تطوير الهوية الحالية بدل تغييرها كلها، خصوصًا لو البراند معروف. ده بيتحدد في التشخيص.
المدة بتاخد قد إيه؟
حسب حجم الهوية وعدد التطبيقات المطلوبة وسرعة الموافقات. بنحدد جدول زمني واضح في العرض قبل البدء.
/ ابدأ دلوقتي
ابدأ بتشخيص مجاني لآخر حملة ليك
30 دقيقة مع فريق سلاش نراجع فيها أرقامك ونحدد فلوسك بتضيع فين وإيه اللي يستاهل يتضاعف. بدون أي التزام.