/ إنتاج الوسائل الإعلامية
إنتاج الفيديو والإعلانات: محتوى مصوَّر معمول عشان يبيع
خدمة إنتاج الفيديو والإعلانات في سلاش بتجمع مخرجين ومصورين وكُتّاب في فريق واحد بينتج ريلز وفيديوهات إعلانية وإعلانات TVC وتصوير منتجات وحملات كاملة. الفرق إن الإنتاج عندنا بيبدأ من الهدف التسويقي والسكريبت، مش من الكاميرا، عشان كل فيديو يتعمل وهو عارف هيتنشر فين وهيجيب إيه.
ليه فيديوهات كتير شكلها حلو ومش بتبيع؟
لأن الجودة لوحدها مش كفاية. فيديو متصوّر بكاميرا ممتازة ممكن يخسر قدام فيديو موبايل بسيط فكرته أوضح وأول 3 ثواني فيه أقوى. عشان كده بنبدأ أي إنتاج بالأسئلة دي:
- مين هيشوف الفيديو، وعلى أنهي منصة؟
- إيه الحاجة الوحيدة اللي عايزينه يفتكرها؟
- عايزينه يعمل إيه بعدها؟ (رسالة، حجز، تحميل، شراء)
- هيتقاس نجاحه بإيه؟
بننتج إيه؟
ريلز وفيديو قصير
محتوى للسوشيال بإيقاع سريع وهوك قوي في أول ثواني، مناسب لإنستجرام وتيك توك وفيسبوك.
فيديوهات إعلانية
فيديوهات مخصوص للحملات الممولة، بنسخ متعددة عشان نختبر الأفكار والرسايل.
إعلانات TVC
إعلانات بإنتاج كامل لحملات أكبر، من الفكرة والسكريبت لحد المونتاج النهائي.
تصوير منتجات وأماكن
صور وفيديوهات للمنتجات والفروع والعيادات والمشروعات العقارية.
الخدمة بتشمل إيه؟
- الفكرة والسكريبت: مربوطين بالهدف التسويقي والجمهور.
- التحضير: اختيار المكان والأشخاص وخطة التصوير.
- التصوير: بفريق مخرجين ومصورين.
- المونتاج والجرافيك والصوت: بمقاسات كل منصة.
- نسخ للاختبار: أكتر من بداية (Hook) وأكتر من رسالة للإعلانات.
- مراجعة الأداء: بعد النشر بنشوف الأرقام عشان الفيديو الجاي يبقى أحسن.
من شغلنا: Gazzer
في إطلاق تطبيق Gazzer بنينا الهوية ونبرة الصوت وشخصية البراند، وبدأنا بحملة تشويق في شوارع أسيوط ("إنت بس"، "قول جزر") مع السوشيال والميكرو إنفلونسرز. بعدها إعلانات TVC من فريق الإنتاج عندنا غيّرت نظرة الشركاء للخدمة، والنتيجة:
+7000
تحميل في 5 شهور
+70%
زيادة في تعاقدات الشركاء
وفي السوق العقاري استخدمنا ريلز عالية الجودة مع أبحاث معمّقة للجمهور، ووصلنا لأقل تكلفة ليد في المجال. شوف قصص النجاح كاملة.
إزاي بنشتغل؟
- Brief وتشخيص: الهدف، الجمهور، المنصات، والميزانية.
- الفكرة والسكريبت: بتوافق عليهم قبل التصوير.
- التصوير والإنتاج: في المعاد المتفق عليه.
- المونتاج والتسليم: بمقاسات كل منصة ونسخ للاختبار.
- القياس: نتابع أداء الفيديو ونطوّر اللي بعده.
الأسئلة الشائعة
بتنتجوا أنواع فيديو إيه؟
ريلز وفيديو قصير للسوشيال، فيديوهات إعلانية للحملات الممولة، إعلانات TVC، فيديوهات تعريفية للشركات، وتصوير منتجات وأماكن. النوع بيتحدد حسب الهدف والمنصة.
هل بتكتبوا السكريبت والفكرة كمان؟
أيوه. الفكرة والسكريبت جزء أساسي من الخدمة، لأن أغلب الفيديوهات اللي مش بتجيب نتيجة مشكلتها في الفكرة والرسالة مش في جودة التصوير.
أسعار إنتاج الفيديو بتتحدد إزاي؟
حسب عدد الفيديوهات ومدتها، ومكان التصوير، وعدد أيام التصوير، ومستوى الإنتاج المطلوب. بعد التشخيص المجاني بنبعتلك عرض سعر واضح.
ينفع آخد الإنتاج بس من غير إدارة الصفحات أو الإعلانات؟
ينفع، بس النتيجة بتكون أقوى لما الإنتاج يبقى جزء من السيستم: نفس الفريق اللي بينتج بيشوف أرقام الإعلانات وبيعرف أنهي فيديو اشتغل وليه.
/ ابدأ دلوقتي
ابدأ بتشخيص مجاني لآخر حملة ليك
30 دقيقة مع فريق سلاش نراجع فيها أرقامك ونحدد فلوسك بتضيع فين وإيه اللي يستاهل يتضاعف. بدون أي التزام.