إزاي تختار شركة تسويق إلكتروني؟ 10 أسئلة اسألها قبل ما تدفع جنيه

اختيار شركة التسويق من أهم القرارات اللي صاحب البيزنس بياخدها، لأن الغلط فيه مش بيكلّفك أتعاب الشركة بس، بيكلّفك ميزانية الإعلانات اللي ضاعت، والشهور اللي راحت، والعملاء اللي راحوا للمنافس. وكتير من أصحاب الشركات بيجولنا بعد تجربة مش ناجحة مع وكالة قبلنا، ونفس الأسئلة البسيطة دي كانت ممكن تكشف المشكلة من أول اجتماع:

1. "هتبدأوا معايا بإيه؟"

الإجابة الكويسة: "هنفهم البيزنس الأول: الأرقام، العملاء، المنافسين، وآخر حملاتك."
علامة تحذير: باقة جاهزة بعدد بوستات وسعر، قبل ما حد يسألك إنت بتبيع إيه ولمين.

الشركة اللي بتبدأ بالباقة بتبيعلك مجهود. الشركة اللي بتبدأ بالتشخيص بتبيعلك نتيجة.

2. "هنتحاسب على أنهي أرقام؟"

اتفقوا من الأول على مؤشرات أداء (KPIs) مرتبطة بالبيزنس: عدد الليدز المؤهلة، تكلفة العميل، المبيعات، الحجوزات. اللايكات والمتابعين ممكن يكونوا مؤشرات مساعدة، بس مش هدف.

3. "وريني نتايج حقيقية في مجال قريب من مجالي"

اطلب قصة قبل وبعد بالأرقام والمدة: كان فين، ووصل فين، في قد إيه، وبأنهي خدمات. مثال على الشكل اللي تطلبه: براند إلكترونيات بفروع متعددة مبيعاته الشهرية كانت 1.5–1.8 مليون جنيه ووصلت 10–12 مليون في 6 شهور (قصة RS Stores). أي إجابة زي "حققنا نجاحات كبيرة" من غير أرقام = مش إجابة.

4. "مين بالظبط هيشتغل على حسابي؟"

اعرف هل الفريق داخلي ولا الشغل بيتوزع على فريلانسرز من برا، ومين مسؤول الحساب اللي هتكلمه، وهتتواصلوا إزاي وكل قد إيه.

5. "حسابات الإعلانات والصفحات هتكون باسم مين؟"

لازم حساب الإعلانات، والصفحات، والبيكسل، وGoogle Analytics يكونوا ملكك وباسمك، والشركة تاخد صلاحية عليهم. لو سبت الشركة بعد سنة، بياناتك وتاريخ حملاتك لازم يفضلوا معاك.

6. "إيه اللي داخل في السعر وإيه اللي برا؟"

اطلب نطاق الشغل مكتوب: كام محتوى، أنهي منصات، الفيديو داخل ولا لأ، التقارير كل قد إيه. والأهم: ميزانية الإعلانات داخلة في السعر ولا منفصلة؟ فصّلنا ده في مقال أسعار شركات التسويق في مصر.

7. "هتقيسوا النتايج إزاي، وهبعتلي تقارير كل قد إيه؟"

الشركة الكويسة هتكلمك عن التتبع (Pixel وConversions وAnalytics) قبل ما تكلمك عن التصميم. واطلب نموذج تقرير: فيه المصروف والنتايج وتكلفة العميل والقرارات الجاية؟ ولا صور بوستات وعدد لايكات؟

8. "لو الحملة ما جابتش نتيجة، هيحصل إيه؟"

الإجابة دي بتكشف الشركة. اسمع: هل عندهم مرحلة اختبار قبل التكبير؟ هل في خطة تعديل؟ هل في ضمان بشروط واضحة؟ في سلاش مثلًا بنختبر الأول وبعدها نبدأ الحملات، وعندنا ضمان استرداد قيمة السيستم لو ما حققناش الأهداف المتفق عليها، بشروط مكتوبة (تعاقد 3 شهور أو أكتر، دفع مقدم كامل، وتوفير الموارد المطلوبة، ومش شامل ميزانيات الإعلانات).

9. "مدة التعاقد إيه، وأقدر أنهيه إزاي؟"

التسويق محتاج وقت للاختبار والتحسين، بس العقد لازم يكون فيه أهداف، وطريقة قياس، وشروط إنهاء واضحة. خلي بالك من العقود الطويلة اللي مفيهاش أي التزام بأرقام.

10. "إنتو فاهمين البيزنس بتاعي ولا التسويق بس؟"

ساعات المشكلة مش في التسويق أصلًا: في العرض، أو التسعير، أو طريقة الرد على العملاء. الشركة اللي بتفهم في البيزنس هتقولك ده بصراحة حتى لو معناه إنها تبيعلك أقل. ده جوهر فكرة مؤسس سلاش محمد الجاحر: التسويق منظومة مش أداة.

علامات تحذير: لو شفت واحدة منهم، فكّر تاني

وكالة ولا فريلانسر ولا فريق داخلي؟

إزاي تستخدم الأسئلة دي عمليًا؟

1. اختار 2 أو 3 شركات بس للمقارنة.
2. اسأل الأسئلة العشرة لكل واحدة، واكتب الإجابات في جدول.
3. استبعد أي شركة فيها علامة تحذير.
4. قارن الباقي على الأرقام والوضوح، مش على السعر لوحده.

وعايز تجرّب الأسئلة دي معانا؟ احجز التشخيص المجاني واسألنا العشرة كلهم في أول جلسة.